Saneamento de Raxó e Samieira

10/07/2019

Unha débeda histórica moi preto de ser resolta

O Concello de Poio ven de dar un gran paso para solventar os problemas de saneamento nas parroquias de Raxó e Samieira, unha demanda que hoxe ten resposta, xa que a EDAR de Paxariñas vai ser ampliada cunha inversión de 24 millóns de euros, dos cales o 50% son fondos europeos FEDER, tal como sinalou Maica Larriba, subdelegada do Goberno no acto de presentación do proxecto.

Este proxecto dará solución ó histórico conflicto pola depuración das augas da beira norte da ría de Pontevedra, cunha data prevista de remate en decembro do 2023, e que xorde como unha solución froito do diálogo e solidariedade entre os concellos e as diferentes administracións implicadas.